पत्नी हत्याको अभियोग लागेका सशस्त्र प्रहरी बलका पूर्व डीआईजी रञ्जन कोइरालाको कैद मिनाहा गर्नेगरि यसअघि सर्वोच्च अदालतको संयुक्त इजलासले गरेको फैसला सर्वोच्चले पुन उल्ट्याएको छ ।

कामू प्रधानन्यायाधीश दीपककुमार कार्की, न्यायाधीशहरु टंकबहादुर मोक्तान र डा. कुमार चुडालको पूर्ण इजलासले यसअघिको फैसला उल्ट्याएको हो।साढे ८ वर्ष मात्र कैद बसेर तत्कालिन आदेशमा रिहा भएका कोइराला सर्वोच्चको यो फैसलापछि अब करिब साढे ११ वर्ष कैद बस्नुपर्नेछ ।

निलम्बित प्रधानन्यायाधीश चोलेन्द्रशम्सेर जबरा र न्यायाधीश तेजबहादुर केसीको इजलासले दुई वर्षअघि कोइरालाको कैद मिनाहा गरेको थियो ।