संयुक्त अरब इमिरेट्स (युएई) मा पहिलो पटक मंकीपक्सको संक्रमण देखा परेको छ। पश्चिम अफ्रिका भ्रमण गरेका एक यात्रीमा मंकीपक्सको संक्रमण फेला परेको र अहिले उनको उपचार भइरहेको युएईका स्वास्थ्य अधिकारीहरूले बताएका छन्।

त्यस्तै,चेक गणतन्त्र र स्लोभेनियामा पनि मंगलबार मंकीपक्सको संक्रमण फेला परेको छ। अफ्रिका बाहिर १८ देशहरुमा यसको संक्रमण देखिएको छ। अफ्रिका बाहिर पहिलो पटक यसको संक्रमण युरोप, अष्ट्रेलिया र अमेरिकामा देखिएको थियो।

यसको लक्षणको रुपमा अक्सर ज्वरो आउने र शरीरमा दागहरू देखिएपनि यसको संक्रमण सामान्य उपचार पछि निको हुने बताइएको छ। यो रोगले संक्रमित व्यक्तिसँग नजिक भएर शारीरिक सम्पर्कमा आउँदा रोग सर्न सक्ने बताइएको छ।

।