नागरिक सुरक्षा, लोकतन्त्र र मानव अधिकारसम्बन्धी संयुक्त राज्य अमेरिकाको उपसचिव तथा तिब्बती मामिलाको विशेष संयोजक उज्रा जेया तीन दिने औपचारिक भ्रमणको क्रममा आज काठमाडौँ आइपुगेकी छन्।

एमसीसी अनुमोदन गरेपछि काठमाडौँमा बढेको अमेरिकी कुटनितिज्ञहरुको चहलपहल बीच ,तिब्बती धर्मगुरु दलाई लामा र निर्वासनमा रहेका तिब्बती सरकारका केन्द्रीय तिब्बती प्रशासनका अध्यक्ष (सिक्योङ) पेन्पा त्सेरिनसँग भारतको नयाँ दिल्लीमा भेटघाट गरेर नेपाल आएकी जेयाको यो भ्रमणलाई नेपालि राजनीतिक वृतमा चीन विरुद्धको भूराजनीतिक कुटनीतिको रुपमा विश्लेषण गरिएको छ ।

उनले प्रधानमन्त्री शेरबहादुर देउवा,परराष्ट्रमन्त्री नारायण खड्का, गृहमन्त्री बालकृष्ण खाँण लगायत अन्य राजनीतिक उच्च अधिकारीहरुबीच भेटघाट गर्ने कार्यक्रम रहेको छ।
औपचारीक रुपमा उल्लेख नगरेको भएपनि,जेयाको नेपाल आगमन लगत्तै उनले नेपालमा रहेका तिब्बती शरणार्थी नेताहरूलाई पनि भेट गर्ने चर्चा भने बढेको छ।
यहि चर्चाको बिचमा तिब्बती शरणार्थीहरुलाई परिचय पत्र उपलब्ध गराउने विषयमा पनि पहल गर्न उनको यो भ्रमण विशेष रहेने विश्लेषकहरु बताउँछन् ।