सुन्दरी प्रतियोगितामा सहभागी एक किशोरीमाथि भएको यौन हिंसाको दोषीलाई कारवाहीको माग गर्दै प्रधानमन्त्रीको निवास बालुवाटार अगाडि प्रदर्शन भएको छ।

आठ वर्षअघि सौन्दर्य प्रतियोगिताको नाममा बलात्कृत भएकी युवतीको न्यायका लागि दबाब दिन युवाहरुले ‘अकुपाइ बालुवाटार’को नाममा अभियान चलाएर स्वतः स्फूर्तरुपमा प्रधानमन्त्रीको सरकारी निवास बालुवाटार अगाडि धर्ना दिएका छन् ।

पीडित युवतीले सामाजिक सञ्जाल मार्फत सौन्दर्य प्रतियोगिताका एक सञ्चालकले आफूलाई लठ्ठिने सामग्री भएको पेय पदार्थ खुवाएर बलात्कार गरेको खुलासा गरेकी थिइन् ।

पीडितको मनोबल कमजोर हुन नदिन र आरोपीलाई सजायको माग गर्दै सुरु भएको प्रदर्शनमा उनीहरुले बलात्कार जस्तो गम्भिर विषयमा रहेको हदम्याद हटाउन पनि माग गरेका छन् ।