विधुत बढी भएको हल्ला फिँजाएर रणनीतिक महत्वका नदीनाला भारतलाई सुम्पिने सरकारको नीति

  • नेपाल राष्ट्रिय दैनिक
  • ५ जेष्ठ २०७९, बिहीबार १३:४६
Seti July

आज संसदमा विनियोजन विधेयकका सिद्धान्त र प्राथमिकतामाथि छलफलमा भाग लिँदै नेता रावलले नेपालका महत्वपूर्ण रणनीतिक नदीनाला विदेशीको हातमा सुम्पिने कुरा र पश्चिम सेती जलविध्युत आयोजना भारतलाई दिने भन्ने प्रधानमन्त्री देउवाको भनाइ मान्य नहुने बताउनुभएको छ।

नेता रावलले भन्नुभयो,”नेपालको सार्वभौमसत्तामा आधारित आत्मनिर्णयको अधिकारको धज्जी उडाउँदै हालै प्रधानमन्त्री शेरबहादुर देउवाले डडेलधुराको चुनावी सभामा, भारत सरकारले चीनको लगानीमा उत्पादित विधुत नकिन्ने र नेपालले बनाउन नसक्ने भएकाले पश्चिम सेती जलविधुत आयोजना भारतलाई सुम्पिनुपर्ने कूतर्क सार्वजनिक रुपमा गर्नु भएको छ “।

त्यसैगरी पश्चिम सेतीका साथै सरकारले अरुण चौथो जलविधुत योजना निर्माण गर्न भारतसँग सेयर बिक्री गर्ने निर्णय राष्ट्रिय हितविपरित भएको पनि बताउनुभएको छ।

वार्षिक ८०० मेगावाटसम्म भारतीय उर्जा प्रति युनिट ३२ रुपैयाँ खर्च गरी किन्नुपरेको अवस्थामा, देशमा विधुत बढी भएको हल्ला फिजाएर नेपालको रणनीतिक महत्वका नदीनाला विदेशीको हातमा सुम्पिने नीतिमा सरकार रहेको भन्दै सरकारको आलोचना गर्नुभएको थियो। रावलले,उर्जा उत्पादन नेपालले स्वतन्त्र राष्ट्रका रुपमा गर्न नसक्ने भएको हो त भनेर प्रश्न समेत गर्नुभएको थियो ?
साथै उहाँले, विदेशी मुद्राको सञ्‍चिती घट्दो रुपमा रहंदा समेत राष्ट्रिय अर्थतन्त्रप्रति सरकार संवेदनशिल नभएको,
जनशक्तिको स्वदेशमै परिचालन गर्न सरकारको कुनै योजना नभएको,शिक्षामा वर्गीय विभाजन रोक्न सरकारले ध्यान नदिएको र कृषि उत्पादन र कृषि उत्पादकत्व बढाउने नीति सरकारको प्राथमिकतामा नपरेको पनि बताउनुभएको थियो।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५