नागरिकता विधेयक संशोधन गर्न छलफल

  • नेपाल राष्ट्रिय दैनिक
  • ५ जेष्ठ २०७९, बिहीबार १०:४१
Home ministry nepal griha mantralaya

नागरिकता विधेयक संशोधन गर्ने सरकारको तयारी
सरकारले नेपाल नागरिकता ऐन, २०६३ लाई संशोधन गरी नयाँ विधेयक ल्याउने तयारी गरेको छ ।

नेपाल नागरिकता ऐन, २०६३ लाई संशोधन गर्न बनेको विधेयक २०७५ श्रावण २२ गतेदेखि संसदमा थन्किएको छ। यसलाई अगाडि बढाउन गृहमन्त्री बालकृष्ण खांड र कानुन न्याय तथा संसदीय मामिला मन्त्री गोविन्द बन्दीले सत्तारुढ गठबन्धन साझेदार माओवादी केन्द्रका अध्यक्ष पुष्पकमल दाहाल (प्रचण्ड) सँगको छलफल अगाडि बढाएको छ।

नागरिकता विधेयकमा नेपाली नागरिकसँग विवाह गरेर आएका विदेशीलाई विवाह लगत्तै अंगीकृत नागरिकता दिने कि निश्चित अवधिपछि मात्रै दिने भन्ने विवाद रहिआएको छ । तत्कालीन केपी शर्मा ओली नेतृत्वको सरकारले ल्याएका कतिपय विधेयकलाई परिमार्जन गर्नुपर्ने र विधेयकका प्राविधिक विषयमा छलफल गर्न सत्तारुढ दलबीच सहमति आवश्यक रहेको बुझिएको छ ।

सङ्घीय संसद् सचिवालयका अनुसार हाल संसदमा ५७ विधेयक छन् । सरकारले संसदमा रहेका विधेयकका प्रावधानलाई एकैपटक संशोधन गरेर अगाडि बढ्ने तयारी गरेको देखिन्छ ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५