सिके राउत नेतृत्वको जनमत पार्टीका वीरेन्द्र माझी सप्तरीको हनुमाननगर कंकालिनी नगरपालिकाको मेयरमा विजयी भएका छन् । माझीले ६ हजार ४ सय ७ मत प्राप्त गरी विजयी भएका छन् । उनका निकटतम प्रतिद्वन्द्वी शैलेशकुमार साहले ६ हजार २४६ मत पाएका छन् ।

यसअघिको स्थानीय तहको निर्वाचनमा तत्कालीन फोरमबाट माझी उम्मेदवार बनेका थिए भने तत्कालीन राजपाबाट साह विजयी भएका थिए । राजपा र फोरम मिलेर लोसापा गठन गरेपछि दुवै जना जसपामा थिए । तर जसपाले साहलाई उम्मेदवार बनाउने निर्णय गरेपछि उम्मेदवारीको एक दिनअघि मात्रै माझी जनमत पार्टीमा प्रवेश गरेका थिए ।

त्यसैगरी हनुमाननगर कंकालिनीको उपमेयरमा जसापाकी सरितादेवी सिप्लिया यादव पुनः निर्वाचित भएकी छन् । उनी ६ हजार ५१२ मत ल्याएर उपमेयरमा निर्वाचित भएकी हुन् । उनको निकटतम प्रतिद्वन्द्वी जनमत पार्टीकी रेखादेवी मण्डलले ५ हजार ९८२ मत ल्याएकी छन् । १४ वडा रहेको हनुमाननगर कंकालिनी नगरपालिकामा ७ वडामा जसपा , ४ वडामा माओवादी केन्द्र, २ वडामा जनमत पार्टी र १ वडामा कांग्रेसका उम्मेदवार विजयी भएका छन् ।