भरतपुर महानगरपालिकामा सत्तारुढ गठबन्धनकी मेयर उम्मेदवार रेणु दाहालले जारी मतगणनामा निकटतम प्रतिद्वन्द्वी एमालेको मेयर पदका उम्मेदवार विजय सुबेदी सँगको मतान्तर फराकिलो बनाएकी छिन् ।

वडा नम्बर ६ मा अहिले मतगणना जारी रहंदा दाहालले १६१७ मतको अन्तर कायम राख्न सफल भएकी छिन् । भरतपुर महानगरपालिकामा भएको २७०२६ मतगणनामा दाहालले ९८०१ मतको साथ अग्रता लिएकी छन् भने उनका निकटतम प्रतिद्वन्द्वी नेकपा एमालेका विजय सुवेदीले ८१८४ मत ल्याएका छन् ।

स्वतन्त्र उम्मेदवार जगन्नाथ पौडेलले ४४३९ मत प्राप्त गरेका छन् । त्यसैगरी उपमेयरमा नेपाली कांग्रेसका चित्रसेन अधिकारीले ११७४० मत ल्याएका छन् भने राष्ट्रिय प्रजातन्त्र पार्टीकी हिमाला गुरुङले ६६६८ मत ल्याएकी छिन।