संघीय संसदको वार्षिक अधिवेशन आजदेखि सुरु हुँदैछ । अपराह्न ४ बजे बस्ने बैठकमा पाँचवटा सम्भावित एजेण्डाबारे छलफल हुनेछ ।

सभामुख अग्नि सापकोटाले महाधिवेशन र मन्त्रिपरिषद् गठनबारे राष्ट्रपतिबाट प्राप्त पत्र पढेर सुनाउने र प्रतिनिधिसभाको नियमावली २०७५ को नियम १० को उपनियम १ बमोजिम अध्यक्षता गर्ने सदस्य मनोनीत गर्ने दुईवटा अध्यादेश पेस गर्ने कार्यतालिका छ ।

कार्यतालिका अनुसार कानून, न्याय तथा संसदीय मामिलामन्त्री गोविन्दप्रसाद शर्मा कोइरालाले फौजदारी कसुर र फौजदारी कार्यविधिसम्बन्धी केही ऐनलाई परिमार्जन गर्न र यौन हिंसाविरुद्धका केही ऐनलाई परिमार्जन गर्न अध्यादेश २०७८ पेश गर्ने
कार्यतालिका रहेको छ ।

अर्थमन्त्री जनार्दन शर्माले आर्थिक वर्ष २०७९/८० का लागि (कर प्रस्ताव बाहेक) विनियोजन विधेयकका सिद्धान्त र प्राथमिकतामाथि छलफल गर्न प्रस्ताव प्रस्तुत गर्नेछन् ।संघीय संसद् सचिवालयले बजेटका सिद्धान्त र प्राथमिकताहरू (कर प्रस्ताव बाहेक) छलफल गर्ने कार्यक्रम छ ।आगामी आर्थिक वर्षको बजेट संघीय संसदमा असार २९ गते पेश गर्नुपर्ने संवैधानिक व्यवस्था छ ।