स्थानीय निर्वाचनको मतदानमा देशभरी विभिन्न स्थानमा झडप

  • नेपाल राष्ट्रिय दैनिक
  • ३० बैशाख २०७९, शुक्रबार ११:३०
voting

आज बिहान देखि सुरु भएको स्थानीय निर्वाचनको मतदान प्रकृया भरे साँझ सम्म जारी रहनेछ। देशभरीनै मतदान प्रकृया शान्तिपूर्ण रुपमा अगाडी बढिरहँदा केहि स्थानमा भने झडपको स्थिति सिर्जना भएको छ।

पछिल्लो समय प्राप्त जानकारी अनुसार देशभरका १८ भन्दा बढी मतदान केन्द्रहरुमा झडपको स्थिति सिर्जना भएको छ। हुम्लाको चंखेली गाउँपालिकाको महादेव मतदान केन्द्रमा झडप हुँदा प्रहरीले आठ राउण्ड हवाई फाएर गरेको छ।

दोलखाको वैतेश्वर गाउँपालिका १ र २ को मतदान स्थलमा पनि झडपको स्थिति सिर्जना भएपछी सो केन्द्रको मतदान स्थगित गरिएको छ ।

त्यसैगरी बाराको देवताल गााउँपालिका वडा नम्बर ७ को पिपरपाति प्राविको मतदान केन्द्रमा झडप हुँद स्थगित मतदान प्रक्रिया केहि समयको अवरोधपछि सुरु भएको छ।

त्यसैगरी रामेछापको खाँडादेवी गाउँपालिका १ र मन्थली नगरपालिका १२ मा भएको झडप नियन्त्रणको लागि प्रहरीले हवाई फाएर गरेको थियो।

यता काभ्रेको कात्तिके देउराली वडानम्बर ६ मा भने झडपको क्रममा मतपेटीका तोडफोड भएको छ । झडपपछि मतदान प्रकृया स्थगित गरिएको छ।
यस्तै गोरखाको गण्डकी गाउँपालिका–७ घ्याल्चोकको ज्ञानमार्ग मावि ‘ख’मतदान केन्द्रमा पनि नेपाली कांग्रेस र माओवादी केन्द्रका कार्यकर्ताबीच झडप भएपछि प्रहरीले हवाई फायर गरेको छ ।

प्रतिनिधि छनोटबारे दलहरुबीच विवाद बढेपछि सर्लाहीको धनकौल गाउँपालिकास्थित पशुसेवा मतदान केन्द्रमा सुरु भएको झडप नियन्त्रणमा लिन प्रहरीले ६ राउण्ड हवाई फाएर गरेको छ ।

बझाङ जिल्लाको जयपृथ्वी नगरपालिका ७ को सुनिपिपल चौर माविको मतदान केन्द्रमा भएको झडपको क्रममा मतपेटिका फ़ुटाएपछी स्थिति नियन्त्रणमा लिन प्रहरीले ३ राउण्ड हवाई फाएर गरेको छ। अहिले त्यहाँको मतदान स्थगित गरिएको छ।

त्यसैगरी ओखलढुंगाको चम्पादेवी गाउँपालिका ९ मिश्रभन्ज्याङको मतदान केन्द्र र रामेछापको दोरम्बा,शैलुङ र सर्लाहीको धनकौलका मतदान केन्द्र , कौडन्या, बाजुराको बुढनन्दा नगरपालिका,दैलेखको ठाटीकाँध, काभ्रेको चौरी देउराली ६, बाँकेको कोहलपुरमा पनि झडप भएको छ।
झडपको स्थिति नियन्त्रणमा लिन प्रहरीले विभिन्न स्थानमा हवाई फाएर गरेको छ। झडपका क्रममा केहि स्थानमा मतदान अधिकृत, प्रहरी र विभिन्न दलका राजनीतिक कार्यकर्ताहरु समेत घाईते भएका छन्।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५