अधिकांश सामुदायिक विद्यालयमा मतदान केन्द्र बनाइएको, केही शिक्षक निर्वाचनमा खटाइएको र केहीले जिल्लामा गएर मतदान गर्नुपर्ने भएकाले सरकारले सबै विद्यालयमा ६ दिन बिदा दिने निर्णय गरेको ।

यसअघि शिक्षा तथा मानव श्रोत विकास केन्द्रले ७७ वटै शिक्षा विकास तथा समन्वय एकाइलाई मतदान केन्द्र तोकिएका विद्यालयमा तीन दिन बिदा दिन निर्देशन दिएको थियो । तर शनिबार १४ गते परेको र सरकारले जेठ १ गतेदेखि आइतबार सार्वजनिक बिदा दिने निर्णय गरेकोले जेठ १ गते आइतबार पनि बिदा हुनेभएको छ । बुद्ध जयन्ती जेठ २ गते परेकाले सो दिन पनि सार्वजनिक बिदा हुने भएको छ । त्यसैले सरकारले आजबाट ६ दिन विद्यालय बन्द गर्ने निर्णय गरेको हो ।

सरकारी कार्यालयमा भने चुनावको दिन मात्रै बिदा दिइन्छ । सरकारी कर्मचारीहरु निर्वाचनमा खटिएकाले सीमित कर्मचारीले सेवा प्रदान गर्नसक्ने गरि सरकारी कार्यालयहरु भने खुल्ला हुनेछन् ।