स्थानिय निर्वाचनको लागि सबै जिल्लामा मतपत्र ढुवानी सम्पन्न

  • नेपाल राष्ट्रिय दैनिक
  • २४ बैशाख २०७९, शनिबार ०९:२५
voting

निर्वाचन आयोगले स्थानिय तह निर्वाचनको लागि ७७ वटै जिल्लामा मतपत्र ढुवानीको काम सम्पन्न गरेको जनाएको छ।

सुरक्षा प्रबन्धका साथ मतपत्र सबै जिल्लाहरुमा पुगिसकेको छ भने आयोगले निर्वाचनको तयारीलाई तीव्रता दिन मातहतका सबै निकायलाई निर्देशन गरेको छ। सडकमार्ग सहज नभएको स्थानहरुमा भने आयोगले हेलिकप्टर मार्फत ढुवानी गरेको छ।

आयोगका विभिन्न प्रदेश निर्वाचन कार्यालय, जिल्ला निर्वाचन कार्यालय, मुख्य निर्वाचन अधिकृत र निर्वाचन अधिकृतका कार्यालयले आयोगबाट प्राप्त भएका निर्वाचन सामग्री र मतपत्रलाई व्यवस्थापन गर्दै जिल्लाका सम्बन्धित पालिकाका लागि प्याकिङ र वितरणको तयारी गरेका छन्। मातहतका निकायहरुले निर्वाचनका सबै सामग्रीहरु चाँडै मतदानस्थल र केन्द्रमा लगिने पनि आयोगले जनाएको छ।

प्रदेश निर्वाचन कार्यालयले प्रदेशका मुख्यालय भएका जिल्लाभरका निर्वाचन गतिविधिको नेतृत्व लिन्छन् भने जिल्ला निर्वाचन कार्यालयले सम्बन्धित जिल्लाको जिम्मेवारी पाएका छन् । सबै जिल्ला र पालिकामा नेपाली सेना, नेपाल प्रहरी, सशस्त्र प्रहरी, राष्ट्रिय अनुसन्धान र म्यादी प्रहरी गरी आवश्यक संख्यामा सुरक्षाकर्मी परिचालन गरिएको छ ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५