कांग्रेस र नेकपा (एकीकृत समाजवादी)का कार्यकर्ताबीच बाजुरामा झडप

  • नेपाल राष्ट्रिय दैनिक
  • २३ बैशाख २०७९, शुक्रबार २०:२६
samajwadi congress

सत्तारुढ दल नेपाली कांग्रेस र नेकपा (एकीकृत समाजवादी)का कार्यकर्ताबीच बाजुराको बुढीनन्दा नगरपालिका–९ स्थित अगाउँपानीमा झडप भएको छ। झडपले तनावपूर्ण बनेको स्थिति अझै पनि नियन्त्रण हुन सकेको छैन।

स्थिति नियन्त्रणमा लिन प्रहरीले २३ राउन्ड हवाई फायर र ३ राउन्ड अश्रुग्याँस प्रहार गरेको छ । समाजवादीका कार्यकर्ताले कुकुरलाई हिर्काएको भन्दै कांग्रेसका कार्यकर्ताहरूले ढुगांमुढा गरेपछि झडप सुरुभएको प्रहरीले जनाएको छ।

झडपपछि पाण्डुसेनस्थित अस्थायी प्रहरी चौकीमा पुगेका समाजवादीका कार्यकर्ताहरुलाई प्रहरीले संरक्षण गरेको भन्दै कांग्रेसका कार्यकर्ताहरूले प्रहरी चौकी समेत तोडफोड गरेका छन्। स्थिति नियन्त्रणमा लिन अहिले थप नेपाल प्रहरी, सशस्त्र प्रहरी र नेपाली सेनाको टोली परिचालन गरिएको छ।

झडपमा १६ जना प्रहरी, र काँग्रेस र समाजवादीका २-२ जना कार्यकर्ता घाइते भएको प्रहरीले जनाएको छ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५