नेपाली कांग्रेसका नेता तथा पूर्वमन्त्री मोहम्मद अफताव आलमको मुद्दामा अन्तिम फैसला नहुँदा सम्म उनलाई थुनामै राख्न सर्वोच्चले आदेश दिएको छ।

जिल्ला अदालत र उच्च अदालतको आदेशलाई सदर गर्दै सर्वोच्चले उक्त फैसला सुनाएको हो। यसअघि जिल्ला अदालत रौतहट र उच्च अदालत जनकपुरको वीरगञ्ज इजलासले आलमलाई पुर्पक्षका लागि थुनामा राख्ने आदेश गरेको थियो। न्यायाधीशद्वय सुष्मालता माथेमा र नहकुल सुवेदीको संयुक्त इजलासमा आज भएको सुनुवाइमा सर्वोच्चले आलमलाई थुनामुक्त गर्न नमिल्ने बताएको हो।

आलमलाई बम बिस्फोट, कर्तव्य ज्यान र ज्यान मार्ने उद्योगको मुद्दामा ३२ वर्ष कैद सजाय माग गरिएको छ।