भारतका प्रधानमन्त्री नरेन्द्र मोदी जेठ २ गते नेपाल आउने भएका छन्। युनेस्कोको निमन्त्रणामा भारतका प्रधानमन्त्री नरेन्द्र मोदीले गौतम बुद्धको जन्मस्थल लुम्बिनीको भ्रमण गर्ने कार्यक्रम रहेको छ ।

मोदी नेपाल आउने निश्चित भए पनि सार्वजनिक घोषणा हुन बाँकी रहेको र सरकारले भ्रमणको तयारी समेत गरिरहेको जानकारी प्राप्त भएको छ ।बुद्धजयन्तीको अवसरमा मोदीले आफ्ना समकक्षी प्रधानमन्त्री शेरबहादुर देउवासँग युनेस्कोले लुम्बिनीमा आयोजना गर्ने विशेष कार्यक्रममा सहभागी हुने कार्यक्रम रहेको छ।

कार्यक्रम अनुसार मोदी सोही दिन बिहान नेपाल आउने र करिब ६ घण्टाको बसाइ पछि भारत फर्कनेछन् ।