त्रिभुवन अन्तर्राष्ट्रिय विमानस्थल परिसरमा बम राखेको भन्दै अज्ञात व्यक्तिको फोन आएपछि आन्तरिक उडानका सबै यात्रुलाई त्रिभुवन अन्तर्राष्ट्रिय विमानस्थलको मुख्य गेटबाट बाहिर निकालिएको छ ।

अन्तर्राष्ट्रिय उडान अवरुद्ध नभए पनि आन्तरिक टर्मिनलमा बम रहेको फोन गर्ने व्यक्तिले दाबी गरेपछि आन्तरिक उडान भने बन्द भएको छ । अहिले नेपाली सेना, सशस्त्र प्रहरी बल र नेपाल प्रहरीको टोलीले खोजी कार्य गरिरहेको छ ।

त्रिभुवन अन्तर्रा्ष्ट्रिय विमानस्थलका अधिकारीका अनुसार,”कतै बाट हाम्रो सुरक्षा प्रणालीमा यस्तो थ्रेट वा खबर आएमा हामीले सर्च प्रोटोकल फलो गर्नुपर्छ र अहिले हामीले सबै यात्रु निकालेर सर्च अपरेसन जारि गरिरहेका छौं” ।

अहिले सबै यात्रुलाई बाहिर निकालिएको र तालिम प्राप्त कुकुरसहित सुरक्षाकर्मीले विमानस्थलमा खोजी गरिरहेको उनले बताए । नेपाली सेनाको बम डिस्पोजल टोली पनि विमानस्थल पुगेको छ ।