गृह मन्त्रालयले नेपाल प्रहरीका नवनियुक्त महानिरीक्षक धीरज प्रताप सिंह र सशस्त्र प्रहरी महानिरीक्षक राजु अर्याललाई दर्ज्यानी चिन्ह प्रदान गरेको छ । सोमबार बिहान सिंहदरबारमा गृहसचिव टेकनारायण पाण्डेले नवनियुक्त आईजीपीहरु सिंह र अर्याललाई दर्ज्यानी चिन्ह प्रदान गर्नुभएको हो ।

प्रहरी महानिरीक्षकमा शैलेश थापा क्षेत्री र पुष्पराम केसी ३० वर्षे सेवाका कारण अनिवार्य अवकाशमा गएपछि सरकारले धीरजप्रताप सिंग र राजु अर्याललाई प्रहरी महानिरीक्षकमा बढुवा गरेको हो ।

३० वर्ष उमेर हदका कारण अनिवार्य बिदामा गएका क्षेत्री र केसीलाई गृहमन्त्री खांडले विदाई गर्नुभएको थियो ।