नेपाली कांग्रेसले पार्टीका उम्मेदवारविरुद्ध बागी र स्वतन्त्र उम्मेदवारी दर्ता गराएकालाई आफ्नो उम्मेद्वारी फिर्ता लिन निर्देशन दिएको छ ।
कांग्रेसका मुख्य सचिव कृष्णप्रसाद पौडेलले शुक्रबार विज्ञप्ति जारी गर्दै सबै बागी उम्मेदवारलाई उम्मेदवारी फिर्ता लिन र पार्टीको आधिकारिक उम्मेदवारलाई विजयी गराउन निर्देशन दिनुभएको छ ।

उम्मेदवारले तोकिएको मिति र समयभित्र मनोनयन फिर्ता नगरे नेपालि काँग्रेसको विधानको धारा ४ (१३) (ग) २०१७ (संशोधन सहित) बमोजिम बागी उम्मेदवार, प्रस्तावक र समर्थकको पार्टी सदस्यता खारेज गरिने विज्ञप्तिमा उल्लेख छ ।