वैशाख २,चितवन –नेपाल रग्वी संघको आयोजना र चितवन रग्वी संघको व्यवस्थापनमा ‘अंकुरम अण्डर २० राष्ट्रिय रग्वी प्रतियोगिता भोलि बिहान ६ बजेदेखि चितवनको कृष्णपुर स्पोर्ट्स मैदानमा सुरु हुंदैछ ।

एकदिन मात्र हुने सो प्रतियोगिता वैशाख ३ गते विहान ६ बजेदेखि अपरान्ह ५ बजेसम्म हुनेछ। चितवन रग्वी संघका अध्यक्ष सुमन पौडेलका अनुसार प्रतियोगिताको सम्पूर्ण तयारी पुरा भइसकेको छ भने खेलाडीहरु चितवन आइसकेका छन् ।

प्रतियोगितामा महिला र पुरुष गरि १० वटा क्लव तथा जिल्ला टिमहरुको सहभागिता रहने प्रतियोगिताका संयोजक विनोद तामाङले जानकारी दिनुभएको छ ।

आगामी वर्ष नेपालमै हुने यु १८ एशियन ट्रफी अन्तर्राष्ट्रिय प्रतियोगिताको तयारी स्वरुप १८ वर्षसम्मका खेलाडीहरुको राष्ट्रिय टिम छनोटका लागि लक्षित गरेर प्रतियोगिता सुरु गरिएको संयोजक तामाङले जानकारी दिनुभएको छ ।