निर्वाचन आयोगले नेपाली कांग्रेसका नेता डा. शशांक कोइरालासँग चुनावी खर्चको विषयलाई लिएर स्पष्टीकरण मागेको छ।

७४ सालको निर्वाचनमा ६ करोड खर्च गरेको कोइरालाको सार्वजनिक अभिव्यक्ति पछि निर्वाचन आयोगले कोइरालालाई सात दिनभित्र स्पष्टीकरण दिन निर्देशन दिएको छ ।

२५ लाखसम्म खर्च गर्न पाउने सीमा रहेकोमा कोइरालाले आफ्नो निर्वाचन खर्च विवरणमा २१ लाख ७५ हजार पेस गरेकाे तर नेपाल विद्यार्थी संघ इलाम–काठमाडौं सम्पर्क मञ्चले शनिबार गरेको कार्यक्रममा आफूले ६ करोड खर्च भएको बताएका थिए।

त्यसैगरी आयोगले समाजवादी पार्टीले २०७८-१२-२६ को दिन भृकुटीमण्डपमा भएको कार्यक्रममा निर्वाचन आचारसंहिता उल्लंघन भएको गुनासो आएकोले ३ दिनभित्र स्पष्टिकरण माग गरेको छ ।