पशुपतिको धर्मशालामा सञ्चालित होटल आनन्दमा पशुपति क्षेत्र विकाश कोषले ताला लगाएको छ।

होटेल खालि गर्न सूचना लिएर धर्मशाला पुगेको सरकारी टोलिलाई होटेलका कर्मचारीले भित्र प्रवेश नै गर्न नदिएपछि पशुपति क्षेत्र विकाश कोषले गेट बाहिरै बाट ताला लगाइदिएको छ। बतास समूहका प्रतिनिधिले कानुनी उपचारमा रहेकाले सर्वोच्चको अन्तिम फैसला कुर्न आग्रह गरेको भएपनि झन्डै २ घण्टा लामो भनाभन पछि पनि सरकारी टोलिलाई धर्मशालामा संचालित होटेलमा प्रवेश गर्न नदिएपछि कोषले गेट बाहिर बाटै ताला लगाइदिएको हो।

सम्झौताअनुसार काम नभएको भन्दै कोषले १७ चैतमा बतास समूहले धर्मशाला भवनमा सञ्चालन गरेको होटल आनन्द प्रालिसँग भएको सम्झौता भंग गर्ने निर्णय गरेको र बतासले सरकारले पठाएको पत्र समेत बुझ्न नमानेपछि गत सोमबार पशुपति क्षेत्र विकास कोषले होटल आनन्द सञ्चालन गरिएको पशुपति धर्मशाला भवन खाली गर्न सार्वजनिक सूचना निकालेको थियो ।