आगामी वैशाख ३० गते हुने स्थानीय तह निर्वाचनका लागि नियुक्त ७१ निर्वाचन अधिकृतलाई निर्वाचन आयोगले १० दिन नबित्दै हटाएको छ ।

निर्वाचन आयोगले पुराना अधिकृतलाई हटाएर सट्टामा नयाँ कर्मचारीलाई निर्वाचन अधिकृतको जिम्मा समेत दिएको छ।

आयोगले जारी गरेको सूचनाअनुसार, यही चैत १३ गते गोरखापत्रमा प्रकाशित निर्वाचन अधिकृतको अनुसूची–१ बमोजिमका ७१ निर्वाचन अधिकृतलाई ‘विभिन्न कारण’ चैत्र २३ गतेको मिति देखि हटाइएको उल्लेख गरेको छ। आयोगले नयाँ नियुक्त निर्वाचन अधिकृतहरुको सूची समेत सार्वजनिक गरेको छ। नियुक्त नयाँ अधिकृतहरुलाई चैत्र २९ गते भित्र तोकिएको स्थानमा उपस्थित हुन समेत निर्देशन दिएको छ।