स्थानीय निर्वाचनबारे छलफल गर्न सत्तारुढ दलको बैठक प्रधानमन्त्री निवास बालुवाटारमा चलिरहेको छ ।

सत्तारुढ गठबन्धनका पाँच दलले स्थानीय तहको निर्वाचनमा तालमेल गर्ने नीतिगत निर्णय गरिसकेका छन् । आजको बैठकमा समन्वयको मोडालिटीबारे छलफल हुने प्रधानमन्त्री सचिवालय स्रोतले जनाएको छ ।

यसअघि बसेको गठबन्धनको बैठकले स्थानीय तहको निर्वाचनमा समन्वय गर्ने र त्यसका लागि प्रदेश, जिल्ला र नगरपालिका तहको समिति गठन गर्ने निर्णय गरेको थियो । सो समितिले आजै प्रतिवेदन बुझाउनेछ । सत्तारुढ गठबन्धनको आजको बैठकमा सोही समितिको प्रतिवेदनमाथि छलफल हुने नेताहरूले बताएका छन् ।