पेट्रोलियम व्यवसायीको आन्दोलनका कारण पेट्रोलियम पदार्थको अभाव हुने आशंकामा शनिबारदेखी बढेको भिड आज पनि उत्तिकै देखिएको छ ।

चैत ६ देखि ग्यासको पीडीओ खरिददेखि इन्धन लोडअनलोड बन्द गरेका पेट्रोलियम व्यवसायीले आयल निगमसँग शनिबार राति चारबुँदे सहमति गर्दै आन्दोलन फिर्ता लिएका थिए ।सहमति पछि पेट्रोलियम व्यवसायीले आन्दोलनका कार्यक्रमहरु स्थगन गरेको भए पनि पेट्रोल पम्पहरुमा सर्वसाधारणहरुको भीड भने उत्तिकै रहेको छ ।

बाह्य तथा आन्तरिक ढुवानी साधनको भाडामा डिजेलको मूल्य अनुपातमा घटबढ हुने गरी स्वचालित भाडा कायम गर्न माग गर्दै एलपी ग्यास उद्योग संघ, पेट्रोलियम डिलर्स एशोसिएशन र पेट्रोलियम ढुवानी व्यवसायीहरु आन्दोलनमा उत्रिएका थिए ।