आर्थिक समृद्धिका लागि तीनै तहको सहकार्य आवश्यक : प्रधानमन्त्री देउवा

  • नेपाल राष्ट्रिय दैनिक
  • १६ चैत्र २०७८, बुधबार ०८:४५
sherbahadur deuba 7SSB44y2qU

प्रधानमन्त्री शेरबहादुर देउवाले मुलुकको आर्थिक समृद्धि र विकासका लागि समन्वय, सहकार्य र सहअस्तित्व कायम गरी अगाडि बढ्नुपर्ने बताउनुभएको छ ।

राष्ट्रिय विकास कार्य समितिको ४९ औँ बैठकमा उहांले विकास आयोजना कार्यान्वयनमा सरकारले सधैं सहजीकरण गर्ने आश्वासन दिँदै समितिका विगतका निर्णय कार्यान्वयनमा सबै पक्षले लगनशील भएर लाग्नुपर्नेमा जोड दिनुभएको थियो ।

बैठकमा विकास आयोजना तथा कार्यक्रमको प्रगति र आगामी दिनमा लक्षित उद्देश्य प्राप्तिका लागि प्रभावकारी कार्यान्वयन गर्ने र कार्यान्वयनमा देखिएका समस्या समाधानका लागि नीतिगत निर्णय गर्ने विषयमा पनि छलफल भएको थियो ।

सो अवसरमा राष्ट्रिय योजना आयोगका उपाध्यक्ष डा विश्वनाथ पौडेलले आर्थिक वर्ष २०७७/०७८ र आव २०७८/७९ को छ महिनाको आर्थिक सूचक, व्यय र प्रगतिबारे प्रस्तुति दिनुभएको थियो ।

कार्यक्रममा नगरपालिका संघ, जिल्ला समन्वय समिति महासंघ, मुख्य सचिव, राष्ट्रिय प्राकृतिक श्रोत तथा वित्त आयोगका अध्यक्ष, महालेखा परीक्षक, मुख्यमन्त्रीलगायत मन्त्रीहरुले प्रस्तुतिमा आ–आफ्ना धारणा राख्दै कार्यान्वयनमा आएका समस्या र समाधानका बारेमा उल्लेख गरेका थिए ।

बैठकमा मन्त्रीहरू, मुख्यमन्त्रीहरू, राज्यमन्त्रीहरू, महालेखा परीक्षक, राष्ट्रिय प्राकृतिक स्रोत तथा वित्त आयोगका अध्यक्ष, नेपाल सरकारका मुख्य सचिव, आयोगका सदस्यहरू, सचिवहरू, प्रदेशका मुख्य सचिवहरू लगायतको सहभागिता रहेको थियो ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५