जुनसुकै उमेरका विद्यार्थीहरू कक्षा १० (एसईई) परीक्षामा सहभागी हुन पाउने

  • नेपाल राष्ट्रिय दैनिक
  • १४ चैत्र २०७८, सोमबार ०७:१७
Siskya

शिक्षा, विज्ञान तथा प्रविधि मन्त्रालयले एसइईमा उमेरको हद नरहेको भन्दै शिक्षा ऐन संशोधन गरेको छ । तदनुसार, जुनसुकै उमेरका विद्यार्थीहरूले माध्यमिक शिक्षा परीक्षा कक्षा १० (एसईई) परीक्षामा सहभागी हुन योग्य मानिनेछन्।

यसअघि कक्षा १० मा एसएलसी हुने व्यवस्था थियो। सरकारी व्यवस्थाका कारण शिक्षा ऐनअनुसार विगतमा १४ वर्ष नाघेकाले मात्र एसएलसी लिन पाउने भए पनि अहिले कक्षा १२ मा एसएलसी अर्थात् स्कुल लिभिङको व्यवस्था भयो।। तर, शिक्षा ऐन २०२८ कै व्यवस्था कायम रहेकाले धेरै विद्यार्थी समस्यामा परेका थिए।

यो प्रावधानले धेरै विद्यार्थीलाई समस्या परेको भन्दै मन्त्रालयले ऐनमा एसइईको उमेर हद हटाएको हो । मन्त्रालयले शिक्षा ऐन, २०४९ को नियम ७८ को उपनियम ८२ मा शिक्षा ऐनको दफा २ को दफा (घ) र (छ) परिमार्जन गरी उमेर सीमा हटाएको छ ।

राष्ट्रिय परीक्षा बोर्डका अनुसार एसइईमा १४ वर्ष उमेर हदका कारण धेरै विद्यार्थीलाई परीक्षा दिनबाट वञ्चित गर्ने, परीक्षा उत्तीर्ण भएर पनि नतिजा रोक्का राख्ने र उमेर बढाउनुपर्ने कारण आगामी एसइईमा उमेर सीमा हटाइएको छ ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५