चीनले नेपाललाई भूराजनीतिक खेलमा सामेल गर्ने कुनै पनि प्रयासको विरोध गर्ने बताएको छ ।

नेपाल भ्रमणमा रहेका चिनियाँ विदेशमन्त्री वाङ यीले नेपाली समकक्षी नारायण खड्कासँगको भेटमा नेपालको मामिलामा नेपालीले निर्णय गर्नुपर्ने बताएका छन् ।

‘नेपालको सार्वभौमसत्ता र स्वाधीनतामा आँच पु¥याउने, अन्तरिम मामिलामा हस्तक्षेप गर्ने र भू–राजनीतिक खेलमा देशलाई सामेल गर्ने कुनै पनि प्रयासको हामी विरोध गर्छौँ,’ उनले भने ।

चीनको नेपालको आन्तरिक अवस्था र अन्तर्राष्ट्रिय परिस्थितिले दुई देशको सम्बन्धमा कुनै असर नपर्ने बताउँदै यीले दुई देशको सम्बन्ध दुई देशका नेताले निर्णय गरेको दिशामा अघि बढ्ने बताउनुभयो ।

राष्ट्रिय परिस्थिति अनुरूप नेपालको विकासमा सघाउने प्रतिबद्धता व्यक्त गर्दै उहाँले जनताको आधारभूत र दीर्घकालीन हितका लागि नेपालका सबै राजनीतिक दललाई सामूहिक छलफल र परामर्शमा लाग्न प्रेरित गर्ने बताउनुभयो ।