गृहमन्त्री बालकृष्ण खाँणले सर्लाहीको ईश्वरपुर नगरपालिका–६ मा जनता समाजवादी पार्टी (जसपा)का प्रमुख सचेतक सांसद प्रमोद शाहमाथि शनिबार भएको शारीरिक आक्रमणको घटनाको छानबिन गरिने बताउनुभएको छ ।

काठमाडौंको मेडिसिटी अस्पतालमा शाहलाई भेटेर गृहमन्त्री खाँणले घटनाको छानबिन गरी दोषीलाई कारबाही गर्ने प्रतिबद्धता जनाउनुभएको थियो ।

पार्टीको कामका लागि गृह जिल्ला सर्लाही पुगेका सांसद साहको टाउकोमा आक्रमणबाट गहिरो चोट लागेको छ । गृहमन्त्री खाँणले घटनाको सत्यतथ्य पत्ता लगाउन स्थानीय प्रशासन र सुरक्षा निकायलाई निर्देशनसमेत दिएको बताउनुभएको छ ।