चिनियाँ विदेशमन्त्री यी आज स्वदेश फर्कने

  • नेपाल राष्ट्रिय दैनिक
  • १३ चैत्र २०७८, आईतवार ०७:५२
wangyi

चिनियाँ विदेशमन्त्री यी आज दिउँसो ३ बजे स्वदेश फर्कने कार्यक्रम रहेको छ ।

नेपाल भ्रमणमा रहेका चिनियाँ विदेशमन्त्री वाङ यीले आज बिहान १० बजे राष्ट्रपति विद्यादेवी भण्डारीसँग शिष्टाचार भेट गर्ने परराष्ट्र मन्त्रालय स्रोतले जनाएको छ ।

त्यसैगरी यीले आज पूर्वप्रधानमन्त्री केपी शर्मा ओली र पुष्पकमल दाहाल प्रचण्डसँग पनि भेटवार्ता गर्ने भएका छन् । चिनियाँ विदेशमन्त्रीले प्रमुख प्रतिपक्षी दल नेकपा एमालेका अध्यक्ष ओलीसँग बिहान ११ः१० देखि ११ः४० बजेसम्म भेटवार्ता गर्ने कार्यक्रम छ ।

अन्त्यमा चिनियाँ विदेशमन्त्री वाङले दिउँसो ११ः४५ देखि १२ः१५ बजेसम्म सत्तारुढ नेकपा–माओवादी केन्द्रीय समितिका अध्यक्ष प्रचण्डसँग भेट गर्नेछन् ।

विदेशी स्रोतका अनुसार विदेशमन्त्री वाङको नेतृत्वमा रहेको २५ सदस्यीय प्रतिनिधिमण्डलमा दुई चिनियाँ सहायक मन्त्री र उच्च सरकारी अधिकारीहरु रहेका छन् । नेपालका लागि चिनियाँ राजदूत होउ यान्छीले पनि उच्चस्तरीय बैठकमा सहभागीता जनाउनुभएको छ ।

यसअघि शनिबार वाङ यीले प्रधानमन्त्री शेरबहादुर देउवा र परराष्ट्रमन्त्री खड्कासँग भेटवार्ता गरेका थिए ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५