चिनियाँ विदेशमन्त्री वाङ यी तीन दिने नेपाल भ्रमणका लागि आज काठमाडौं आउँदै हुनुहुन्छ। उनी आज भारत हुँदै काठमाडौं आइपुग्नेछन् ।

परराष्ट्रमन्त्री नारायण खड्काको औपचारिक निमन्त्रणामा उनी नेपाल आउन लागेको परराष्ट्र मन्त्रालयले जनाएको छ । नेपाल भ्रमणका क्रममा उनले राष्ट्रपति विद्यादेवी भण्डारी, प्रधानमन्त्री शेरबहादुर देउवा, परराष्ट्रमन्त्री खड्कालगायत प्रमुख राजनीतिक दलका शीर्ष नेताहरुसँग भेटवार्ता गर्नेछन् ।

भेटका क्रममा नेपालले परराष्ट्रमन्त्री वाङको नेतृत्वमा आएको प्रतिनिधिमण्डलसँग चीनले अघि सारेको बेल्ट एन्ड रोड इनिसिएटिभ नामक पूर्वाधार विकास परियोजनाअन्तर्गतका सहयोग परियोजनाहरू कार्यान्वयन गर्ने विषयमा छलफल गर्ने परराष्ट्र मन्त्रालय स्रोतले जनाएको छ ।

त्यसैले सरकारले विश्वको उदीयमान शक्ति चीनसँगको साझेदारी र सहयोग अभिवृद्धि गर्न नेपालको राष्ट्रिय हित र विकासका आवश्यकता र प्राथमिकतालाई आफ्नो एजेण्डा बनाएको छ ।

चिनियाँ राज्य परिषद्का सदस्य समेत रहेका परराष्ट्रमन्त्री वाङ यीको औपचारिक भ्रमणले दुई देशबीचको शताब्दी पुरानो सम्बन्धलाई नयाँ उचाइमा पु¥याउने अपेक्षा गरिएको छ ।