प्रतिनिधिसभाको बैठक सुरु भएको छ ।

दिउँसो १ बजेका लागि बोलाइएको बैठक २ घण्टा ढिलो भइ भर्खरै मात्र सुरु भएको छ । एमसीसी सम्झौतामाथि सामान्य छलफल गरियोस् भन्ने प्रस्ताव पेस गरिएको छ । प्रमुख प्रतिपक्ष नेकपा एमालेका सांसदको विरोधका बीच अर्थमन्त्री जनार्दन शर्माले प्रस्ताव पेस गर्नुभएको छ ।

प्रतिनिधिसभाको बैठक सुरु भएलगत्तै प्रमुख प्रतिपक्ष नेकपा एमालेका सांसदले अवरोध गरेका छन् । सभामुख अग्निप्रसाद सापकोटाले ‘माननीय सदस्यहरु १ प्रतिनिधिसभाको आजको बैठकको कारबाही प्रारम्भ हुन्छ’ भन्नासाथ एमाले सांसदहरु आफ्नो आसनबाट उठेर बेल घेराउ गर्न पुगेका छन् । यस्तै, एमसीसीको विरोधमा नयाँ बानेश्वर क्षेत्रमा आन्दोलन पनि चर्किरहेको छ ।