विश्वकपको यात्रामा पूर्णविराम

आईसीसी टी–२० विश्वकप छनौट अन्तर्गत आज भएको खेलमा नेपाल ६८ रनले पराजित भएको छ ।

ओमानको अल अमेरत रङ्गशालामा आईसीसी टी–२० विश्वकप छनौट अन्तर्गत आज नेपाल र यूएईबिच भएको सेमीफाइनल खेलमा नेपाल ६८ रनले पराजित भएको छ । १७६ रनको लक्ष्य प्राप्तीका लागि यूएई विरुद्ध मैदानमा उत्रिएको नेपाली टोली १८.४ ओभरमा सबै विकेट गुमाएर  १०७ रनमा समेटिएको थियो ।

आजको खेलसंगै नेपालको विश्वकपको यात्रामा पूर्णविराम लागेको छ ।
यूएईले निर्धारित २० ओभरको खेलमा ७ विकेट गुमाउंदै १७५ रन जोड्न सफल भएको थियो ।
समुह चरणको खेलमा लगातार ३ वटा खेल जितेर नेपाल सेमिफाइनलमा प्रवेश गरेको थियो ।