पाहुना टोली श्रीलंकाले अष्ट्रेलियाविरुद्धको पाँच खेलको टी–ट्वान्टी सिरिजको अन्तिम खेलमा जित हात पारेको छ ।

मेलवर्नमा भएको अन्तिम खेल श्रीलंकाले ५ विकेटले जितेपछि सिरिज क्लिन स्विप हुनबाट बचेको छ । यस अघिका चारवटै खेल अष्ट्रेलियाले जितेको थियो । आइतबार अष्ट्रेलियाले दिएको १ सय ५५ रनको लक्ष्य श्रीलंकाले निर्धारित २० ओभरको एक बल बाँकी छदै ५ विकेट गुमाएर पुरा गर्यो ।

श्रीलंकालाई जित दिलाउन कुशल मेन्डिसले अविजित रहदै सर्वाधिक ६९ रनको योगदान गरे । मेन्डिसले ५८ बल खेल्दै ५ चौका र १ छक्का हिर्काए । कप्तान दनुस सनाकाले ३५ तथा चरिथ असालांकाले २० रनको योगदान गरे । अष्ट्रेलियाका केन रिचर्डसनले सर्वाधिक २ तथा एस्टन अगरले १ विकेट हात पारे ।