सम्बत २०७८ फाल्गुन ७,आज ७२औं प्रजातन्त्र दिवस । देशभर विभिन्न संघसंस्थाले फरक- फरक कार्यक्रम आज गरी यो दिवस मनाउने गरेका छन् ।

२००७ सालको क्रान्तिपछी १०४ वर्षिय निरंकुश राणाशासनको अन्त्य हुन पुग्यो । त्यसपश्चात हरेक वर्ष फाल्गुन ७ गते प्रजातन्त्र दिवस मनाउने गरिन्छ । नेपाल र नेपालीको त्याग र बलिदानबाट देशले प्रजातान्त्रिक शासन व्यवस्था पाएको हुनाले आजको दिनलाई गौरबपूर्ण ईतिहासको रुपमा सम्झिने गरिन्छ ।

प्रजातन्त्र दिवसकै अवसरमा आज राष्ट्रपति बिद्या देवी भण्डारीले शुभकामा ब्यक्त गर्दै,प्रजातन्त्र स्थापनाका लागि भएका अनेकौँ सङ्घर्षमा आफ्नो अमूल्य जीवन उत्सर्ग गर्ने सहिदहरूप्रति भावपूर्ण श्रद्धाञ्जली अर्पण गर्नुभएको छ । साथै प्रजातन्त्रमा जनता नै राज्य शक्तिको सम्पूर्ण स्रोत भएको उहांले बताउनुभएको छ ।

त्यसैगरि प्रधानमन्त्री शेर बहादुर देउवाले पनि प्रजातन्त्र दिवसको अवसरमा आफ्नो शुभकामना व्यक्त गर्दै, आजको दिन जनतालाई रैतीबाट नागरिक बनाउन, उनीहरूको मौलिक हक अधिकार स्थापित गर्न र शासन व्यवस्थामा जनताको प्रतिनिधित्व सुनिश्चित गराउन सफलता प्राप्त भएको दिनका रूपमा इतिहासमा स्मरणीय रहको पनि बताउनुभएको छ ।

तस्विर : गुगलबाट