आईसीसी टी–२० विश्वकपको ग्लोबल छनोटमा नेपालले ओमानलाई ३९ रनले पराजित गर्दै विजयी सुरुवात गरेको छ ।

अमेरत क्रिकेट मैदानमा नेपालले दिएको १ सय १८ रनको सामान्य लक्ष्य पछ्याउँदै ओमानले निर्धारित १७ ओभरमा सबै विकेट गुमाएर ७८ रनमा अलआउट भयो ।अमेरतइमिरेट्स क्रिकेट मैदानमा नेपालले दिएको १ सय १८ रनको सामान्य लक्ष्य पछ्याउँदै ओमानले निर्धारित १७ ओभरमा सबै विकेट गुमाएर ७८ रनमा अलआउट भयो ।

ओमानका लागि नसिम खुशीले १८ बलमा एक चौका र दुई छक्का प्रहार गर्दै २४ रन बनाए । त्यस्तै जितेन्द्र सिंहले ९, खवर अली ७, आमिर कलिम ९, अयान खान ३, जसिम मक्सुदले २ रन मात्र जोड्न सकेनन् ।

टस हारेर ब्याटिङ रोजेको नेपालले निर्धारित २० ओभरमा ८ विकेट गुमाएर ११७ रन बनाएको थियो ।

जारी विश्वकप छनोटमा नेपालको समूहमा ओमान, फिलिपिन्स र क्यानडा रहेका छन् । सबैले एकअर्कासँग खेलिसकेपछि शीर्ष दुईमा रहने टोली सेमिफाइनलमा पुग्नेछन् । नेपालले शनिबार फिलिपिन्सको सामना गर्नेछ ।

समूहका शीर्ष दुई टोली सेमिफाइनलमा पुग्नेछन् । फाइनलमा पुग्ने टोली यसै वर्षको अन्त्यमा अष्ट्रेलियामा हुने टी–२० विश्वकपका लागि छनोट हुनेछ ।