प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डबीच प्रधानमन्त्रीको सरकारी निवास बालुवाटारमा आज बिहान भएकाे भेटवार्ता विना निष्कर्ष टुंगिएपछी आज ३ बजेको लागि आहवान गरिएको गठबन्धनको बैठक ५ बजे सारीएको छ ।सत्ता गठबन्धनका पांच दलबिच आज एमसीसी अनुमोदनको विषयमा सहमती जुटाउन निर्णयक बैठक बस्ने भएको छ ।

हिजो जारी संसद बैठकमा एमसीसी पेश गर्न गठबन्धनकै दलहरु बिच असहमती बढेको कारण संसदमा एमसीसी पेश गर्न प्रधानमन्त्री देउवा असफल भएपछी एमसीसीको बिषयमा आज गठबन्धनका दलहरुबिच ३ बजे बस्ने भनिएको बैठक ५ बजे सारीएको छ र यो निर्णायक र अन्तिम बैठक हुने गठबन्धनका नेताहरुले बताएका छन् । नेपाली कांग्रेस एमसीसी जस्ताको तस्तै पारीत गर्ने भन्ने अडानमा कायम रहंदै गर्दा समाजवादी र माओवादी केन्द्र भने पारीमार्जन नगरि एमसीसी कुनै पनि हालतमा पारीत नगर्ने पक्षमा रहेका छन् ।

त्यसो त सभामुख विरुद्ध अदालतमा रहेको विचाराधिन मुद्दा र नेपाल सहित १४ सांसद खारेजीको मुद्दामा र ललिता निवास जग्गा काण्डको मुद्दामा सर्वोच्चले मुदा अगाडि बढाउने संकेत पाएपछी प्रधानन्यायधिश विरुद्धको महाअभियोग लगाउने र एमसीसी पास गर्न सहयोग गर्ने वाचाबाट महाअभियोग लगतै नेपाल र प्रचण्डले देउवालाई एमसीसीमा समर्थन गर्न नसकिने बताएपछि राजनीतिले अर्कै मोड लिएको छ । एमसीसीकै पक्षमा देउवालाई साथ दिंदै आएको जसपाले पनि हिजो बाट आफ्नो धारणा परिवर्तन गरेर एमसीसी अनुमोदनमा देउवाको साथ छोडेको छ । यध्पी बाबुराम भट्टराई भने एमसीसी पारीत गर्नुपर्छ भन्ने अडानमा छन् । राष्ट्रिय जनमोर्चाले भने पहिलेदेखी नै एमसीसी खारेजीको माग राख्दै आएको छ ।
यसैबिच प्रचण्डले एमसीसी जबर्जस्ती संसदमा पेस गरिए सरकारबाट बाहिरिने निर्णय समेत सार्वजनिक गरिसकेका छन् । कांग्रेस अहिले गठबन्धन भित्रै एमसीसीको पक्षमा एक्लो देखिएको छ । यता नेकपा एमालेभित्रै पनि एमसीसीको विषयमा सांसदहरु विभाजित छन् । यध्पी अध्यक्ष ओलीले भने गठबन्धन तोड्ने र सभामुखको रजिनामाको शर्तमा एमसिसि पास गर्न सहयोग गर्ने बताउंदै आएको छ ।