सरकारले एमसीसीको विरोधमा हुनसक्ने सम्भावित प्रदर्शनलाई ध्यानमा राखी सम्पूर्ण सुरक्षा संयन्त्रलाई उच्च सतर्कता र निगरानी बढाई देशभर शान्ति सुरक्षा कायम गर्न निर्देशन दिएको छ ।

गृह मन्त्रालयले देशका ७७ वटै जिल्ला प्रशासन कार्यालय, प्रहरी प्रधान कार्यालय, सशस्त्र प्रहरी बल र राष्ट्रिय अनुसन्धान विभागलाई उच्च सतर्कताका साथ शान्ति सुरक्षा कायम गर्न निर्देशन दिएको हो।

एमसीसीसँगको सम्झौताको विरोधमा आज नेकपा, नेकपा (क्रान्तिकारी माओवादी) लगायत विभिन्न पार्टी र मोर्चाले विरोधको कार्यक्रम आयोजना गरेपछि मन्त्रालयले यस्तो सूचना जारी गरेको हो ।