कांग्रेसको केन्द्रीय कार्यसम्पादन समितिको आज बसेको बैठकले मुस्लिम संघ बाहेकका आफ्ना सबै भातृ संगठनको केन्द्रिय कार्यसमिति विघटन गरेको छ ।

कांग्रेसको विधान अनुसार नेपाल विद्यार्थी संघ,नेपाल तरुण दल लगायतका ९ वटा भातृ संगठनको वर्तमान केन्द्रिय कार्यसमिति स्वतः विघटन भएको कांग्रेसका प्रवक्ता डा. प्रकाशशरण महतले जानकारी दिनुभएको छ । सभापति शेरबहादुर देउवाले आवश्यक परामर्श गरी फागुन मशान्तभित्र ति सबै संगठनको केन्द्रीय तदर्थ समिति गठन गर्ने निर्णय भएको पनि महतले जानकारी दिनुभएको छ ।

केन्द्रीय कार्यसम्पादन समितिको आज बसेको बैठकले तरुण दल , नेविसंघ, नेपाल प्रजातान्त्र सेनानी संघ, नेपाल किसान संघ, नेपाल आदिवासी जनजाति संघ, राष्ट्रिय लोकतान्त्रिक अपांग संघ, नेपाल तामाङ संघ, नेपाल महिला संघ र नेपाल भूतपूर्व सैनिक संघको केन्द्रिय कार्यसमिति विघटन गरेको हो ।