प्रधानमन्त्री शेर बहादुर देउवाको तस्विर राखिएको सरकारको सय दिन भन्ने पुस्तिकाको मुख्य पृष्ठमा राखिएको नेपालको निशान छापमा, नेपालको चुच्चे नक्सा गाएब भएको छ ।

सो विषयमा टुइट गर्दै एमाले नेता भिम रावलले,”पुस्तिकाको मुखपृष्ठमा नेपालको निशान छापमा नेपालको नक्सा चुच्चो रहित किन?”भनेर प्रश्न गर्नुभएको छ । सरकारको १०० दिनको उपलब्धि यही हो त भन्दै नेता रावलले संसदले सर्वसम्मतिबाट पारित गरेको नक्सा नराखिनु राष्ट्रिय अखण्डताको अपमान भएको बताउनुभएको छ । साथै पुस्तिकाको मुखपृष्ठमा राखिएको नेपालको निशान छापमा नेपालको चुच्चे नक्सा गाएब भएको सन्दर्भलाई जोड्दै प्रधानमन्त्री देउवालाई नेता रावलले, देशभक्ति खै भनेर प्रश्न समेत गर्नुभएको छ ।