नाटोले रुसको सिमाना नजिक आफ्नो सैन्य उपस्थिति बढाउन “बहाना” को रूपमा संकटको प्रयोग गरेको, रुसले आरोप लगाएको छ।

रुसले नाटोमा सामेल हुने आफ्नो छिमेकीको प्रयासको कडा विरोध गरेको छ तर युक्रेनमा आक्रमण गर्ने हल्लालाई पनि अस्वीकार गर्दै आएको छ। अमेरिकी नेतृत्वको नाटो गठबन्धनले पूर्व सोभियत गणतन्त्रहरूमा आफ्नो विस्तार गर्न खोजेको प्रयासलाई रोक्ने कुरामा आफुले सतर्कता अपनाएको भएपनि युक्रेनमा आक्रमण गर्ने हल्ला निराधार भएको रुसले बताएको छ। यहि बहानामा अमेरिकाले आफ्नो सेना रुसको सिमानामा उतार्न चाहेको रुसले आरोप समेत लगाएको छ।
यसैबीच, नाटोले युक्रेन संकट र युरोपमा नयाँ सशस्त्र द्वन्द्वको लागि वास्तविक जोखिम” को चेतावनी दिंदै , पूर्वी युरोपमा दीर्घकालीन उपस्थिति कायम राख्ने भन्दै रोमानियाको एयरबेसमा अस्थायी रूपमा अमेरिकी सैनिकहरू तैनाथ गरेको छ।