निजी क्षेत्रका दुध बिक्री गर्ने उद्योग (डेरी) हरुले दूधको मूल्य लिटरमा १० रुपैयाँ वृद्धि गर्ने घोषणा गरेका छन् ।

शुक्रबार नेपाल डेरी एसोसियसन र डेरी उद्योग संघले संयुक्त पत्रकार सम्मेलन गर्दै दूधको प्रतिलिटर मूल्य १० रुपैयाँले बढाएर ८६ रुपैयाँ कायम गरेको जानकारी दिएको हो ।

यसअघि दूग्ध विकास संस्थानले दूधको उपभोक्ता मूल्य प्रतिलिटर ९ रुपैयाँ बढाएर ८५ रुपैयाँ कायम गरेको छ ।

जसअनुसार आधा लिटर दुधको मूल्य ४२.५० रुपैयाँ पर्न आउँछ । तर, बिक्रेताले प्रति आधा लिटर दूधको मूल्य ४३ रुपैयाँ लिने गरेको एसोसिएसनले जनाएको छ ।
यसअघि, संस्थानले उपभोक्ता मूल्य ८६ रुपैयाँ तोक्ने बताइएको थियो । तर, सो अनुसार मूल्य नतोकिएपछि संस्थानको निर्णय नमान्ने र उपभोक्ता मूल्य ८६ रुपैयाँ नै लिने दुई सस्थाले संयुक्त रुपमा बताएका हुन् ।