बेइजिङ विन्टर ओलम्पिक अन्तर्गत जर्मन पदक तालिकाको शीर्ष स्थानमा उक्लिएको छ ।

जर्मनीले सर्वाधिक ५ स्वर्ण र ३ रजत पदक हात पारेको छ । दोस्रो स्थानमा झरेको नर्वेले भने ४ स्वर्ण, २ रजत र ४ कास्य जितेको छ ।

स्वीडेनले ४ स्वर्ण, १ रजत र २ कास्य जित्दा नेदरल्यान्ड्सले समान ३ स्वर्ण, ३ रजत र १ कास्य हात पारेको छ । आयोजक चीनले ३ स्वर्ण र २ रजत पदक प्राप्त गरेको छ ।

अमेरिकाले २ स्वर्ण, ५ रजत र १ कास्य तथा अष्ट्रीयाले २ स्वर्ण, ४ रजत र ४ कास्य जितेका छन् । यस्तै, इटालीले २ स्वर्ण, ४ रजत र १ कास्य जित्दा रुस ओलम्पिक कमिटिले २ स्वर्ण, ३ रजत र ६ कास्य हात पारेका छन् ।