किसान आन्दोलनको माग पूरा नभए सिके राउतले स्थानीय तहको निर्वाचनमा अवरोध गर्ने बताएका छन् ।

किसानका विभिन्न माग राख्दै मधेशमा लगातार आन्दोलन गर्दै आइरहेका सिके राउतले वीरगञ्जमा पत्रकार सम्मेलन गर्दै राउतले किसानको माग पूरा नगरे तराई मधेश क्षेत्रमा स्थानीय तहको निर्वाचन गर्न नदिने बताएका छन् ।

‘पहिला किसानको माग सम्बोधन होस् तब मात्रै स्थानीय तहको निर्वाचनको परिकल्पना गरौं’ उनले भने, ‘नभए अरु ठाउँमा त म भन्न सक्दिन तराई मधेशमा झापादेखि बाँके, बर्दिया, कैलाली कञ्चनपुरसम्म हामी अवरोध गर्नेछौं ।’

सिके राउतले विभिन्न ११ वटा माग राख्दै तराई मधेशमा आन्दोलन गर्दै आएका छन् ।