अमेरिकी सहयोग परियोजना मिलेनियम च्यालेन्ज कर्पोरेसन (एमसिसी) खारेज गर्न माग गर्दै आज ७ कम्युनिस्ट पार्टीले संयुक्त रूपमा संसद् भवन घेराउ गर्ने भएका छन्।

नेत्रविक्रम चन्द ‘विप्लव’ नेतृत्वको नेकपासहित जनमोर्चा, मोहनविक्रम सिंह नेतृत्वको नेपाल कम्युनिस्ट पार्टी (मसाल) मोहन वैद्य नेतृत्वको नेपाल कम्युनिस्ट पार्टी (क्रान्तिकारी माओवादी), ऋषि कट्टेल नेतृत्वको नेपाल कम्युनिस्ट पार्टी, आहुती नेतृत्वको वैज्ञानिक समाजवादी कम्युनिस्ट पार्टी नेपाल र कर्णजित बुढाथोकी नेतृत्वको नेकपा माओवादी केन्द्र समाजवादीले आज दिउँसो संघीय संसद घेराउ गरी एमसीसीको बिरोधमा प्रदर्शन गर्ने भएका छन् । आज दिउंसो १ बजे माइतीघर मण्डलामा भेला भएर विरोध र्यालीसहित संसद भवन अगाडि गएर कोणसभा गर्ने कार्यक्रम रहेको छ ।