गलकाेट नगरपालिका १० पाण्डबखानीमा रहेका ५ विद्यालयहरुमा न्यानाे कपडा वितरण कार्यक्रम सम्पन्न भएको छ ।

“सानाे पाइला अभियानमा हातेमालाे, हुनेले दिएर जाऔं नहुनेले लिएर जाऔं,” भन्ने नाराका साथ अभियानकाे सुरुवातमा गलकाेट नगरपालिका १० पाण्डबखानी अन्तरगतका ५ विद्यालयमा ७५ र दाेरपाटन नगरपालिका अन्तर्गत लुकुरबन माविमा १० गरि जम्मा ८५ थान कपडा वितरण गरिएकाे अभियानका सह- संयाेजक सुरेश छन्त्यालले जानकारी दिनुभएकाे छ । साथै उहांले हाम्रो अभियान निरन्तर चलिरहने हुँदा छिट्टै यश अभियानलाई आधिकारिक रुपमा कम्पनी दर्ता गरि संचालन गर्ने र यस्तै विभिन्न क्षेत्रमा सहयोग गर्ने तयारी रहेकाे बताउनु भयाे। कार्यक्रममा सम्पुर्ण शिक्षकहरुकाे प्रतिनिधित्व गर्दै नविन भावुक, वरिष्ठ समाजसेवी तथा विद्यालय व्यवस्थापन समितिका अध्यक्ष मानसिंह छन्त्याल, कमला थापा, वडा सदस्य रामप्रसाद वि.क लगाएतले मन्तव्य राखेका थिए । आयोजकले, सामान्य चिया गफबाट सुरुवात गरेकाे अभियानले आज ठुलाे कार्य गरेकाे र यस्ता कार्यलाई निरन्तरता दिन र आ-आफ्नो स्थानबाट सहयाेग गर्न आग्रह समेत गरेको छ । पांच विद्यालयका प्रअ, जनप्रतिनिधि, विद्यालय व्यवस्थापन समितिका प्रतिनिधि, अभियानका सदस्य तथा घुम्टे साँस्कृतिक तथा प्राकृतिक संरक्षण मञ्चका सचिव दिप घर्ति लगाएतकाे सहयोगमा सम्पन्न उक्त कार्यक्रम, अभियानका सदस्य ज्ञान श्रीसले संचालन गर्नु भएको थियाे ।

दिप घर्ति/ गलकाेट