अमेरिकी सहायता परियोजना एमसीसी अमेरिकाले फिर्ता लैजानु नै उपयुक्त हुने नेकपा एकता राष्ट्रिय अभियानका संयोजक वामदेव गौतमले बताउनुभएको छ ।

राष्ट्रियसभा सदस्यसमेत रहनुभएका गौतमले आज विज्ञप्ति जारी गरी एमसीसीकै कारण नेपालको सार्वभौम संसद र नेपाली मनोविज्ञान नै विभाजित हुने अवस्था आउने हो भने यसको फिर्ती नै उत्तम विकल्प हुने बताउनुभएको हो ।

एमसीसीसँग गएिको सम्झौतापछि नेपालमा अमेरिकाप्रति गम्भीर आंशका पैदा हुन थालेको पनि गौतमको भनाइ छ । सम्झौता कार्यान्वयनबाट नेपालको स्वतन्त्रता र सार्वभौमिकतामा आँच पुग्ने शंका गौतमको छ ।

(एमसीसीकै कारण नेपाली जनता, नेपालका राजनीतिक पार्टी, नेपालको सार्वभौम संसद र नेपाली मनोविज्ञान नै विभाजित हुने अवस्था आउने हो भने यसको फिर्ती नै उत्तम विकल्प हुनसक्छ) गौतमले विज्ञप्तीमा उल्लेख गर्नुभएको छ ।