सेतक चिनी नामको जडिबुटी टिप्न करीब दुई साताअघि हिंडेका जुम्लाका ३४ जना हिउंमा फसेको खबर पाएपछी उनिहरुको उद्धार गर्न गएको नेपाली सेनाको हेलिकप्टर खराब मौसमको कारण रित्तै फर्किएको छ ।

उद्धारको लागि गएको नेपाली सेनाको हेलिकप्टर बाक्लो हिमपातका कारण अवतरण गर्न नसकेर फर्किएको हो । अवतरण गर्ने ठाउँ नभएपछि उद्धार गर्न गएको नेपाली सेनाको हेलिकप्टरले खानेकुरा खसालेर फर्किएको हो । हिउँमा फसेकाहरू अस्थायी टहरा बनाएर बसेका र उनिहरु सकुशल रहेको उद्धार टोलिले बताएको छ । अलपत्र परेकाहरूका लागि १ सय २६ किलो चिउरा, १ सय १० प्याकेट दालमोठ, ८ कार्टुन बिस्कुट र ४ कार्टुन चाउचाउ खसालिएको जानकारी प्राप्त भएको छ । तत्काल फर्किन असम्भव रहेको तर हिमपात रोकिएपछी पनि फर्किन सकेनन् भने उनिहरुको उद्धारको लागि आवश्यक तयारी गरिने बताइएको छ ।

सेतक चिनी संकलन गर्न गएका मध्य फर्किने क्रममा भारी हिमपातका कारण अत्यधिक चिसोले २ जनाको भने मृत्‍यु भएको छ । तातोपानी–७ बारगाउँका ४६ वर्षीय मुन रावत र ८ की ३७ वर्षीया देवी शाहीको मृत्यु भएको जिल्ला प्रहरी कार्यालय जुम्लाले जनाएको छ ।