प्रधानमन्त्रीको सरकारी निवास बालुवाटारमा बसेको तीन दलको बैठकमा प्रमुख प्रतिपक्षी दल एमालेले संसद सुचारु गर्न आफ्नो शर्तहरु अघी सारेको छ ।

प्रमुख प्रतिपक्षी दल एमाले अध्यक्ष ओलीले संसद सुचारु गर्नको लागि सभामुख अग्नी सापकोटाले राजिनामा दिनुपर्ने शर्त राख्नुभएको छ । दल विभाजनमा सहयोग गरेको आक्षेप लगाउंदै, सभामुखले गल्ती स्वीकारेर राजिनामा नदिएसम्म संसद नखोल्ने अडान अधक्ष ओलीले दोहोर्‍याउनु भएको छ । त्यस्तै गरी एमालेले कारबाही गरेका १४ जना गैर सांसदमाथि कारबाहीको सुचना जारी गरिनुपर्ने अन्यथा दलले कारबाही गरेका नेपालसहितका १४ जना गैर सांसदहरु संसदमा उपस्थित हुंदासम्म संसद सुचारु गर्न नदिने पनि ओलीको अडान रहेको छ । त्यसो त गठबन्धन तोडेर सभामुखलाई कारबाही गरे एमालेले एमसीसी अनुमोदन गर्न पनि सहयोग गर्ने बताउंदै आएको छ ।

त्यसै गरी,अबको मन्त्रिपरिषदको बैठकले निर्वाचनको मिती घोषणा गरेर जेठ ५ गतेभित्रै निर्वाचन गर्नुपर्ने एमालेको माग रहेको छ । साथै गठबन्धन भित्रै विवाद देखिएको भन्दै, अमेरिकी परियोजना एमसीसीमा पहिले सत्तापक्षले आफ्नो धारणा स्पष्ट पार्नुपर्ने अनी मात्र नेकपा एमालेले आफ्नो धारणा अघी सार्ने अध्यक्ष ओलीले बताउनुभएको छ ।

गौर अभिव्यक्ति प्रती मन्त्री रेणु यादवलाई र २४ लाख कोरोनाविरुद्धको खोपमा अनियमितता आरोप लागेका स्वास्थ्य मन्त्री विरोध खतिवडालाई कारबाही गर्नुपर्ने माग पनि एमालेले अघी सारेको छ । वर्तमान सरकारले चालु आर्थिक बर्षको ६ महिना बितिसक्दा पनि १५ प्रतिशत पनि विकास खर्च गर्न नसकेको कारण मुलुकमा वित्तिय संकट सुरुभएको बताउंदै यसतर्फ सरकार गम्भिर भएर अघी बढ्नुपर्ने पनि अध्यक्ष ओलिले बताउनुभएको छ ।