सेयर बजार परिसूचक नेप्से आज एकैदिन ४० अङ्कले घटेको छ । साताको पहिलो दिन आइतबार नेप्सेमा ४०.५७ अङ्कको पहिरो गएको छ । सूचक २८३६.१७ अङ्कमा झर्दा सबै उपसमूहका सूचक ऋणात्मक छन् ।

एक करोड ६ लाख ५१ हजार ७५४ कित्ता सेयर पाँच अर्ब ८३ करोड ६४ लाख १४ हजार ५१० रुपैयाँमा कारोबार भएको छ । जीवन बीमा उपसूचक ३.५७ प्रतिशतले घटेको छ ।
आज नेपाल हाइड्रो डेभलपर लिमिटेड (एनएचडीएल)को सेयरधनीले सबैभन्दा धेरै कमाएका छन् ।

अमेरिकी मिलेनियम च्यालेञ्ज कर्पोरेशन (एमसीसी) कम्प्याक्ट सम्झौता संसदबाट अनुमोदन गर्नेबारे विवाद चुलिँदा नेपालको पुँजीबजारसम्म परेको छ ।