नेपाली समय अनुसार शुक्रबार साँझ बेइजिङ ओलम्पिकको भव्य उद्घाटन समारोहका साथ सुरु भएको छ ।

चिनियाँ राष्ट्राध्यक्ष सी चिन फिङले शुक्रबार स्थानीय समय अनुसार राति ८ बजे २४औँ शीतकालीन ओलम्पिकको औपचारिक उद्घाटन गर्नुभएको छ।चीनले शुक्रबार साँझ सुरु भएको शीतकालीन ओलम्पिकलाई पनि आफ्नो वैभव देखाउने माध्यमको रूपमा प्रयोग गरेको छ।शीतकालीन ओलम्पिक खेलकुदको उद्घाटन समारोह अहिले विश्व प्रसिद्ध बर्ड्स नेस्टको रंगशालामा भइरहेको छ ।

ओलम्पिकको उद्घाटन समारोहमा विश्वका ९७ देशको उपस्थिति रहेको छ । उद्घाटन समारोहमा रुसी राष्ट्रपति भ्लादिमिर पुटिनको पनि उपस्ठिती रहेको छ ।अमेरिका र भारतसँगको राजनीतिक तनावका बीच चीनले शीतकालीन ओलम्पिकलाई भव्य बनाउन हरसम्भव प्रयास गरेको छ ।

भारत र अमेरिकाले चीनले शीतकालीन ओलम्पिकमा राजनीतिकरण गरेको आरोप लगाएका छन् । त्यसैले ओलम्पिकको उद्घाटन र समापन समारोहमा भारतीय प्रतिनिधिको उपस्ठिती छैन ।

यसपटकको शीतकालीन ओलम्पिकमा नेपालका कुनै पनि खेलाडी सहभागी भएका छैनन् ।